top of page

Jaɓwɛlɛ lá mundi : Diá diá ótétena CUD na ALLE 2 A

Roger Mbassa Ndinè, Eɓɔ́ŋgɔm á Mundi mwá Douala, a díɛlɛ́ ŋgisú,1 ɓwá nyɛtɛki 2022, Ndoŋgámɛ́n á gɔ́bina nyá ɓeɓotédí ɓá ɓola mio wonja a bupɛ lá ɓeɓoló ɓá sibisɛ lá masaŋgó má míŋgeɛɛ́ ó mundi mwá Douala.



Yên eɓolédí yéná ndáɓo á ɓedíédí ɓá mundi mwá Duálá nyá kwaŋ é ɓotédinɔ́,na mándá má jaɓwɛlɛ lá mundi lá iwíyɛ́, é malá ndé ɓolisaɓɛ na dio ALLEH AFRIK 2A.



Dîn dio dí malá ɓɛ́nɛ mbóŋ á ɓedíédí ɓá ɓepólo ó mundi ; kaná wúma á témɛ lá mitóa mísadi na mitóa má masaŋgó, wúma á sibisɛ na pɛyɛ lá ndio, ó ɓola ná ŋgeá e sí nyama, ɓaɓɛ́nɛ́ mitóa pɛ́ mí sí kusá ɓekwálí na ɓaɓoledí ɓá dí dio ndé diɓóŋgó dí tɛ́ŋgɛ́n.



Kwaŋ, sónja á ndáɓo á ɓedíédí ɓá mundi mwá Douala ndé í tá í ombwéá sibisɛ lá masaŋgó ó mundi. Ndé eɓoló ábū é sí ta é ɓɛ́nɛ́ mitɔkisan jǐta.


Eɓɔ́ŋgɔm á mundi mwá Douala, a dutí matôy má ɓaɓoledi ɓá dio lá pényá ná ɓân ɓá ɓolanɛ ka m̀pétɛ mwá elóŋgísán á eɓoló, yémɛ á ɓwâm ó ɓwâm ɓwá kwálisanɛ ɓato ɓá mundi.



THOMAS EYOUM

4 vues0 commentaire
bottom of page