top of page

BOTINA /JDC 2023

Ngand'a BOTINA ebema e elondisę mu mutoba na milalo ma jokisę la miña ma bosedi, dimbambe na kobombo ma sudi esaba mwaba mwa miña na mitanu ma sonę o Sodiko village o Duala di londisę manei o mukindi mwa Duala.

Mwaba mwa miña na mitanu, buña bwa jongęlę o ñola mboa Sodiko. Din jongęlę di yabę nde o mbu 1959, o mbusa babo o wa sua muka tęngęnę baję o miede o y'enepas'a Wouri ba pudi no o nongonę babo miñangadu. O mbusa sua labu la muka, nde mudango mwa musombuusę wa o Bojongo ko o Sodiko village węni ba sęlę no o tęmę o Sodiko ville.

Wan ye nde mbad'esese o ñola bęsę b'an y'eyenji o ñola bwam bwa mboa ñesę.

Mwaba mwa miña na mitanu ma sonę bwe nde biso tobotobo o ñola janea la dimbambe la Sodiko węngę, nde na bwa mutinge n'a dingon o bwam bwa be kumba na ba kombę ebamb'a bu batele ba di no o ñola ñoñon i ma yę.

Nje etombi yen ebema 2023?

O mulema mwa mundi mwa Duala, nde bon bosedi bo pandisabę no, na dōn l'ewolo mangando ma dimbambe, penelę la belongisan ba wedi na bebolo ba nditi ba Sodiko na SAWA. Ebema e londisę mumutomba na belalo di ta di bambę bema bepępę ka wemsę la betika ba nditi ka ebudu, na mabala, beyanyen o mundi mwa Sodiko mwęsę, betatedi ba mundi, jabanę la mabea na Jakotonę la bito na ngon na batinedi ba Bele Bele ( AFFEBEL) o ndambwa bosedi dina ESAPO.

Nje ye ka peña o yen ebema?

BOTINA bwa mun mbu bo tesę b'anedi banęi ba kwata Sodiko na basango ba miębę baba ba ba kusanę mwaned'a Sodiko malea.

O mbusa betesedi babu, ba boli makakan mabu o londę mbom nje yese mwanedi e m'enganę babo o ñola bwam bwa mundi.

Yen ebema e kusi jukea la batinedi b'ekombo na ba dimbambe nde na njan'a Sodiko, e si bę dimbea mboa.

Moto e so na a kwala na, ebema mbu mu mayě, e męndę lata mambo maba BOTINA na mwaba mwa mbu mwa tesabę la mwaned'a Sodiko HIKO OLI XVI, lambo la bwam o ñola tebed'a bediedi na mwaned'a Sodiko.



VICHAL DIKOBO S

50 vues0 commentaire

Comments


bottom of page